Dduje Paravise

Fausto Cigliano

Da “Fausto Cigliano – Napulitana No.6 – Storia della Canzone Napoletana” ( Recording Arts) – disponibile per download da iTunes & Amazon Digital e in streaming da Apple Music & Spotify. www.musicofitaly.com

TESTO

Duje viecchie prufessure ‘e cuncertino,
nu juorno, nun avevano che fá.
Pigliájeno ‘a chitarra e ‘o mandulino
e, ‘nParaviso, jèttero a suná:
– Ttuppe-ttù – “San Pié’, arapite!
ve vulimmo divertí ”
“Site ‘e Napule?! Trasite!
e facitece sentí ”
“V’avimm”a fá sentí doje, tre canzone,
ca tutt”o Paraviso ha da cantá:
Suspire ‘e vase museca ‘e passione
Robba ca sulo a Napule se fa
E ‘a sera, ‘nParaviso, se sunaje
e tutt”e Sante jèttero a sentí
‘O repertorio nun ferneva maje:
“Carmela, ‘o Sole mio, Maria Marí’ ”
“Ah, San Pié’, chesti ccanzone,
sulo Napule ‘e ppò fá
arapite stu barcone:
A sentite ‘sta cittá?
E, sott”o sole e ‘a luna, vuje sentite
sti vvoce, ca só’ voce ‘e giuventù
Si po’ scennite llá, nun ‘o ccredite?!
Vuje, ‘nParaviso, nun turnate cchiù! ”
Ma, doppo poco, da ‘a malincunía
‘e viecchie se sentettero ‘e pigliá:
Suffrévano nu poco ‘e nustalgía
e, a Napule, vulèttero turná:
“Mo, San Pié’, si permettite,
nuje v’avimm”a salutá ”
“Site pazze! Che dicite?
Nun vulite restá ccá?!”
“Nuje simmo ‘e nu paese bello e caro
ca tutto tène e nun se fa lassá:
Pusìlleco, Surriento, Marechiaro
‘O Paraviso nuosto è chillu llá!”