Coro Sant’Antoni de su ‘ou di Mamoiada – Nanneddu meu

Il Coro Sant’Antoni de su ‘ou di Mamoiada si esibisce dentro una cortes a Mamoiada durante la manifestazione “Autunno in Barbagia 2012“.

LYRICS:

Nanneddu meu

Su mundu est gai,

A sicut erat

Non torrat mai.

 

Semus in tempos

De tirannias,

Infamidades

E carestias.

 

Como sos populos

Cascant che cane,

Gridende forte:

“Cherimus pane! ”

 

Famidos, nois

Semus pappande

Pan’e castanza,

Terra cun lande.

 

Terra ch’a fangu

Torrat su poveru

Senz’alimentu,

Senza ricoveru.

 

Semus sididos

In sas funtanas,

Pretende s’abba

Parimus ranas.

 

Peus su famene

Chi, forte, sonat

Sa janna a tottus

E non perdonat.

 

Nanneddu meu

Su mundu est gai,

A sicut erat

Non torrat mai.

 

Cuddas banderas

Numeru trinta,

De binu’onu,

Mudad’hant tinta.

 

Appenas mortas

Cussas banderas

Non piùs s’osservant

Imbreagheras.

 

Sos tristos corvos

A chie los lassas?

Pienos de tirrias

E malas trassas.

 

E gai chi tottus

Faghimus gherra,

Pro pagas dies

De vida in terra.

 

Nanneddu meu

Su mundu est gai,

A sicut erat

Non torrat mai.

 

Semus in tempos

De tirannias,

Infamidades

E carestias.

 

Adiosu, Nanni,

Tenedi contu,

Faghe su surdu,

Ettad’a tontu.

 

A tantu, l’ides,

Su mund’est gai,

A sicut erat

Non torrat mai.

folk music everyday tarantella 12 25
Coro Sant’Antoni de su ‘ou di Mamoiada – Nanneddu meu