Mamma addò sta

Mario Merola

Mario Merola canta “Mamma addò sta“. Mario Merola è stato un cantante, attore, compositore e personaggio televisivo italiano.

Era soprannominato “Il Re della sceneggiata” per essere riuscito a dare a questo genere tipicamente regionale una popolarità e una dimensione nazionale e un successo sconosciuto prima, fino a farne un genere cinematografico, rappresentando tutto questo anche fuori dal palcoscenico, riuscendo così a dare un volto alla sceneggiata. (Wikipedia)

TESTO

Assunta! Rafiluccio! Reginella!
Salvaturiello mio, mo si’ cuntento?
Ninuccia! Uh, Dio comme s’è fatta bella!
Ll’aggio avvistata ‘a copp”o bastimento…
Tutte vicino a me…nun mme lassate…
ve guardo e nun mme sazio ‘e ve guardá…
Diece anne, diece secule só’ state:
I’ nun vedevo ll’ora ‘e riturná!
……………………………….
Mamma addó’ sta?
Pecché nun è venuta?
Povera vicchiarella!…
Mm’ha mannato a cercá na cullanella
e i’ nce ll’aggio purtata:
‘A cullana sta ccá!
………………………..
Mamma addó’ sta?

II

Io mm”a sunnavo sempe addenucchiata,
‘a vicchiarella mia, ‘nnanz’â Madonna…
Ma vuje ll’avite sempe rispettata?
Vuje site state sempe attuorno â nonna?
Ma, grazie a Dio, mo nun lle manca niente,
pò fá ‘a signora, povera mammá…
E ghiammo e nun chiagnite, alleramente…
stasera nce vulimmo scapricciá!
…………………………
Mamma addó’ sta?
Pecché nun s’è affacciata?
Chiammáte ‘a vicchiarella!…
Songh’io! Songh’io! Mammá! Mamma mia bella!
Songh’io ca só’ turnato…
Ve vulite affacciá?!…
…………………………
Mamma addó’ sta?

III

Mamma addó’ sta? Nisciuno mme risponne?
Tuttuquante cu ‘e ffacce comm”a cera…
Chi chiagne…Chi mme sfuje…Chi s’annasconne…
Salvaturiello cu na scolla nera…
Ah, smaledette siano chesti mmane
ch’hanno vuluto sempe faticá…
Meglio a desiderá nu muorzo ‘e pane
ma ‘nziem’â vecchia mia…’nziem’a mammá!

…………………………
Mamma addó’ sta?
Dáteme ‘a vecchia mia…
Pecché só’ riturnato
e ‘o bastimento, no…nun s’è affunnato?…
Nun s’è perzo p”a via?!
Che só’ turnato a fá?!…
…………………………
Mamma addó’ sta?!

Mario Merola - Mamma addò sta
Mario Merola – Mamma addò sta
Clicca per votare l'esibizione
[Voti: 0 Media: 0]