Gosos de sa morte – Coro Supramonte di Orgosolo

Gosos de sa morte

Coro Supramonte di Orgosolo

Gosos de sa morte cantata dal Coro Supramonte di Orgosolo.

TESTO

Tristas dies chi isetamos
Sos chi in su mundu vivimos
Ogni die nor morimos,
In su morrer no pentzamos.

Est un’umbra pasizera,
est unu ventu sa vida.
Misera, chie si fidat
pentzende chi est chimera.

Fortzis prestu in sa letera
Defuntu l’ acumpagnamos
Ogni die nor morimos
In su morrer no pentzamos

Su mundu est unu fiore
Sugetu a totus sor bentos,
Como friscu e a momentos
Restat sicu e sentz’odore
Est’un’umbra, unu vapore
Sa vida chi tantu amamos
Ogni die nor morimos
In su morrer no pentzamos

Bene meda e coro in cue
Cudd’istimadu maridu
Innanti frore de chidu
Como unu punzu de prue
E gai der bennes tue
E gai totus torramos
Ogni die nor morimos,
In su morrer no pentzamos.