Ciccio Formaggio

Gabriella Ferri

Ciccio Formaggio è un brano della canzone napoletana del 1940.

Tra le molte canzoni di successo del fecondo binomio artistico Pisano-Cioffi, Ciccio Formaggio venne realizzata per Nino Taranto che la portò al debutto nel 1940 al Teatro Bellini di Napoli, ma venne anche in seguito interpretata da Leo Brandi al quale fu affidata dagli stessi autori.

TESTO

Te ‘ncuntraje,
te parlaje
e m’innamorai di te…
Mme guardaste,
mme diciste:
“Mi piacete pure a me…”
Ma tutt”o bbene ca hê ditto sempe ‘e mme vulé,
è na buscía ch’è asciuta ‘ncopp”o naso a te…

Si mme vulisse bene overamente,
nun mme facisse ‘ncujetá da ‘a gente,
nun mme tagliasse ‘e pizze d”a paglietta,
nun mme mettisse ‘a vrénna ‘int”a giacchetta…
Si mme vulisse bene, o mia Luisa,
nun mme rumpisse ‘o cuollo d”a cammisa…
Si’ na ‘nfá’…si’ na ‘nfá’…si’ na ‘nfama…
Te n’abù’…te n’abù’…te n’abuse…
te n’abuse ca Ciccio Formaggio,
nun tene ‘o curaggio
nemmeno ‘e parlá!
Si sapisse,
si vedisse,
dint”o core mio che nc’è!
Cumpatisse…
Mme dicisse:
“Puveriello… ma pecché?”
Ma ‘ncopp”o core tu nce tiene ‘e pile ‘o ssá’
ca nu barbiere nun ce abbasta p”e ttagliá!…
Si mme vulisse bene overamente,
nun mme facisse ‘ncujetá da ‘a gente…
Nun mme tirasse ‘e pile ‘a dint”e rrecchie,
nun mme mettisse ‘o dito dint’a ll’uocchie,
nun mme mettisse ‘a neve dint”a sacca,
nun mme squagliasse ‘ncapa ‘a ceralacca!
Si’ na ‘nfá’
L’altro giorno,
ma che scorno:
Vengo a casa e trovo a te
spettinata,
abbracciata
‘nziem’a n’ommo… Bèh… ched è?!
Mme rispunniste: “Chisto vene a te ‘mpará
comme se vasa quanno tu mm’hê ‘a spusá…”
Si mme vulisse bene overamente,
nun mme facisse ‘ncujetá da ‘a gente…
Nun mme menasse ‘e streppe ‘e rafanielle,
nun mme mettisse ‘a quaglia ‘int”o cappiello,
nun mme facisse stá, pe’ n’ora sana,
cu ‘a pippa ‘mmocca e cu ‘a cannela ‘mmano!
Si mme vulisse bene overamente,
nun mme facisse ‘ncujetá da ‘a gente…
Nun mme pugnisse areto cu ‘o spillone,
nun mme mettisse ‘a colla ‘int”o cazone…
Nun mme screvisse, cu nu piezzo ‘e gesso,
aret”o matinè: “Ciccí’ si’ fesso!”
Si’ na ‘nfá’