Funtana all’ombra

Piccola A Plettro Partenopea

Funtana all’ombra” – Prove in studio del neonato ensemble “Piccola A Plettro Partenopea“.

TESTO

‘Sta funtanella
Ca ména ‘a tantu tiempo ll’acqua chiara
Ha fatto ‘a cchiù ‘e nu sèculo ‘a cummara
Piccerenella
Venette ‘a nonna a bevere, e ce steva
Nu figliulillo, a ll’ombra, che ‘a vedeva
E, a ll’ombra, tutt’e duje
Accumminciajeno a se parlá cu ‘o “vvuje”
Po’ ognuno ‘e lloro se parlaje cu ‘o “ttu”
E, sempe cumpiacente
Sti ffronne, alleramente
Facevano ciù-ciù
Po’ ce venette
Pur’io na vota ca stevo arzo ‘e sete
E ca cercavo ‘e vvie fresche e cujete
E te vedette
E t’accustaste e mm’accustaje pur’io
E ‘o core tujo cercava ‘o core mio
Venèttemo ‘a doje strate
E pe’ una, ce sperdèttemo abbracciate
Pe’ ce vasá, pe’ nun ce lassá cchiù
E, sempe cumpiacente
Sti ffronne, alleramente
Facevano ciù-ciù
Quant’ate appriesso
Doppo tante e tant’anne venarranno?
Quant’ata matremmonie se farranno?
Mo fanno ‘o stesso
Quase tutt’ ‘e ffigliole ‘e stu paese
E, ‘a sprùcete ca só’, po’ só’ curtese
E spicialmente ‘a ‘state
Aspettano ‘e figliule ‘nnammurate
E ‘sta funtana attacca ‘a giuventù
E, sempe cumpiacente
Sti ffronne, allegramente
Ce fanno stu ciù-ciù.

Clicca per votare l'esibizione
[Voti: 0 Media: 0]