Nina ‘ndemo al Redentor
Coro Serenissima Venezia
Il Coro Serenissima Venezia in “Nina ‘ndemo al Redentor“. Canzone della tradizione popolare veneziana(Veneta).
TESTO
Vien da basso Nina mia
che xe festa al Redentor,
vien co mi che andemo via
fora al fresco a far l’amor.
Là ne speta ’na barcheta
su la riva del canal
vien co mi bela Nineta
che andemo al bacanal.
Senti senti che frescheto
su la barca se sta ben
cantussando un motiveto
co ti Nina sul mio sen.
Su la barca se va via
soto el ciel tuto stelà.
Che serata Nina mia
me fa proprio inamorar.
Ti xe un cocolo de tosa
questa sera col to scial
ti profumi d’erba rosa
che me sento vegnir mal.
Ti xe bela, ti xe cara
Nina mia ti xe un amor,
una perla tanto rara
o Nineta del mio cuor.
Senti senti che frescheto
su la barca se sta ben
cantussando un motiveto
co ti Nina sul mio sen.
Su la barca se va via
soto el ciel tuto stelà
e po’ dopo canteremo
viva viva el Redentor.
Su la barca se va via
soto el ciel tuto stelà
e po’ dopo canteremo
viva viva el Redentor.
