E vui durmiti ancora

Andrea Bocelli & Fiorello

Duetto insolito ma risultato garantito per questo capolavoro siciliano.

TESTO

Lu suli è già spuntatu di lu mari
E vui, bidduzza mia, durmiti ancora,
L’aceddi sunnu stanchi di cantari
E affriddateddi aspettanu ccà fora;
Supra ‘ssu barcuneddu su pusati
E aspettanu quann’è ca v’affacciati.
Lassati stari, non durmiti cchiui,
Ca ‘nzemi a iddi, dintra sta vanedda,
Ci sugnu puru iù, c’aspettu a vui,
Ppi viriri ‘ssa facci accussì bedda;
Passu cca fora tutti li nuttati
E aspettu suru quannu v’affacciati.
Li ciuri senza vui non vonnu stari,
Su tutti ccu li testi a pinnuluni,
Ognun d’iddi non voli sbucciari,
Si prima non si rapì ssu barcuni.
Intra li buttuneddi su ammucchiati
E aspettanu quann’è ca v’affacciati.
Lassati stari, non durmiti cchiui,
Ca ‘nzemi a iddi, dintra sta vanedda,
Ci sugnu puru iù, c’aspettu a vui,
Ppi viriri ‘ssa facci accussì bedda;
Passu cca fora tutti li nuttati
E aspettu suru quannu v’affacciati.