I Crodaioli – La contrà de l’ acqua ciara

TESTO

La contrà de l’Acqua ciara
no zè più de l’alegria,
quasi tuti zè ‘ndà via
solo i veci zè restà.
Le finestre senza fiori,
poco fumo dai camini,
senza zughi de bambini
la montagna zè malà.
Su in contrà de l’Acqua ciara
solo i veci zè restà.

Torno torno la fontana
dove i sassi sa le storie,
se gà perso le memorie
che racconta la contrà.
No’ se ride, no’ se canta,
no’ se fa filò la sera,
no’ vien più la primavera,
la se gà desmentegà.
Su in contrà de l’Acqua ciara
solo i veci zè restà.

Su in contrà de l’Acqua ciara.